Impartido por Daniel Pardo e Davide Salvado

Unha proposta de dialogo coa que atopar as cousas que temos en común, que nos fan iguais; e entender e aceptar as nosas diferenzas.

¿A quen vai dirixido ? A rapazas e rapaces de 12 a 17 anos . 1º da ESO a 2º de Bachiller. 

¿Para qué é? Para concienciar a nenxs e xoves sobre a diversidade de xénero e o respecto á diferenza, e crear un diálogo co que conversar sobre estes temas, resolver dúbidas e compartir impresións.  Nunha actividade de aproximadamente 60 minutos por grupo, coa que se vai crear un espazo seguro no que compartir, e dividida en varias partes: 

1. Introdución; Presentarémonos e falaremos sobre a razón pola que estamos no centro, e pola que vamos facer a actividade cxs rapazas e rapaces. Presentaremos o espazo de igualdade. 

2. Xogo; A actividade comezará en círculo sobre o chan. Ó son da música, comezarán a camiñar polo espazo. Nun principio sen ningunha orientación. Faráse un símil cunha manda de cabalos ou un banco de peixes no que os integrantes viaxan e cambian de dirección xuntos pero sen tocarse. Non hai un líder, senón que os animais toman xuntos as decisión sobre ónde han de ir e qué dirección han de tomar. O propósito desta dinámica é explorar a necesidade do grupo de permanecer unido, a idea de que todxs xs individuxs do grupo teñen igual importancia. 

3. Exercicio de interpretación teatral; Xs alumnxs van interpretar papeis que lles servirán para entender a diversidade de xénero desde a primeira persoa.

4. Coloquio e música; Animaráse xs xoves a compartir a súa vivencia. 

Falaráse de en qué consisten a diversidade de xénero, e os dereitos LGTBIQA+, na nosa experiencia co festival Agrogay e Agrocuir, un referente da visibilidade no rural, e coa Casa do Río, espazo seguro. Os facilitadores compartirán súas experiencias persoais durantea súa idade escolar e o caso particular de cada un (casos de abuso escolar ou homofobia,por exemplo), e haberá un turno para falar tamén sobre esta problemática no instituto. Pecharáse a dinámica con música. O espazo de igualdade haberá de ser o ambiente en que todxs convivamos na sociedade día a día, no que a diversidade é aquilo que enriquece a nosa cultura, e o respecto á diferenza debe ser a norma.  Se queres mais información para que levemos este obradoiro ao teu centro escolar só tes que completar o  formulario ao final desta páxina.

• Impartido por Paula Pin 
• O proceso de investigación que se levará a cabo tradúcese nunha experimentación consciente coa NATURA a través da escoita. Tomando isto como eixo central proponse realizar unha experimentación colectiva, un ecosistema autopoético formado por organismos humanos, vexetais e tecnolóxicos.  
• Atopa máis info pinchando aquí
• Se queres asistir só tes que completar o formulario o final desta páxina. 

• Impartido por Paula Pin 
•  É un espazo para o estudo da natureza que propón prácticas de bioloxía caseira para propiciar o pensamento crítico das asistentes nos campos transversais da ecoloxía feminista, o traballo con ferramentas libres e de código aberto e o acceso as ciencias abertas e experimentais fóra dos laboratorios institucionais.
• Atopa máis info pinchando aquí 

• Se queres asistir só tes que completar o formulario o final desta páxina.